മഹീന്ദ്രാ ആന്‍ഡ് മഹീന്ദ്രയുടെ ഇലക്ട്രിക്ക് കാര്‍ റേവ ഐ കേരള വിപണിയിലെത്തി.ഫുള്‍ ചാര്‍ജില്‍ റേവ ഐയ്‌ക്ക് 80 കിലോമീറ്റര്‍ ഓടാനാവും. ഏഴു സെക്കന്‍ഡിനുള്ളില്‍ 40 കിലോമീറ്റര്‍ വേഗം കൈവരിക്കാന്‍ സാധിക്കുന്ന റേവ ഐ കാറിന്റെ കേരളത്തിലെ എക്‌സ് ഷോറൂം വില 3,07,990 രൂപയാണ്. ഫുള്‍ ചാര്‍ജ് ചെയ്യാന്‍ എട്ടു മണിക്കൂര്‍ മതിയാകും. ഒന്‍പതു യൂണിറ്റ് വൈദ്യുതിയാണ് ഫുള്‍ ചാര്‍ജിന് ആവശ്യം.ബ്രേക്കിങ് സിസ്റ്റം ഉപയോഗപ്പെടുത്തി ബാറ്ററിയിലേക്ക് വൈദ്യുതി ശേഖരിക്കാവുന്ന ഊര്‍ജ സംരക്ഷണ പ്രവര്‍ത്തനവും റേവാ ഐയുടെ സവിശേതയാണ്.റേവാ കാറുകളുടെ വില്‍പ്പനയ്ക്കായി മഹീന്ദ്ര പലിശരഹിത വായ്പാ പദ്ധതിയും അവതരിപ്പിച്ചിട്ടുണ്ട്. തിരിച്ചു നല്‍കുന്ന ഒരു ലക്ഷത്തിന്റെ നിക്ഷേപവും തുടര്‍ന്ന് 36 തവണകളായി തിരിച്ചടയ്ക്കാവുന്ന വായ്പാ പദ്ധതിയാണിത്. പ്രതിമാസം 7900 രൂപയാണ് അടയ്‌ക്കേണ്ടത്. ഈ പദ്ധതിയില്‍ പലിശ നല്‍കേണ്ടതില്ല.മൂന്ന് വര്‍ഷങ്ങള്‍ക്ക് ശേഷം കാര്‍ തിരിച്ചു നല്‍കി ഒരു ലക്ഷം രൂപയുടെ നിക്ഷേപം പിന്‍വലിയ്ക്കുകയും ആവാം.
No comments:
Post a Comment