സ്‌റ്റൈല്‍മന്നന്‍ രജനികാന്തിന്റെ ആരാധകര്‍ക്ക്‌ നിരാശപ്പെടാം. കുറഞ്ഞത്‌ ആറുമാസത്തേക്കെങ്കിലും അദ്ദേഹത്തിന്‌ അഭിനയിക്കാനാകില്ലെന്നാണ്‌ സൂചന. രജനിയുടെ സഹോദരന്‍ സത്യനാരായണ റാവുവാണ്‌ ഇക്കാര്യം വെളിപ്പെടുത്തിയത്‌. അതേസമയം ശ്വാസകോശസംബന്ധമായ അസുഖങ്ങളെ തുടര്‍ന്ന്‌ ചെന്നൈയിലെ ശ്രീരാമചന്ദ്ര മെഡിക്കല്‍ സെന്ററില്‍ കഴിയുന്ന രജനിയുടെ ആരോഗ്യനിലയില്‍ ആശങ്ക വേണ്ടെന്ന്‌ അദ്ദേഹം പറഞ്ഞു.ഒരു ടി വി ചാനലിനോട്‌ സംസാരിക്കുകയായിരുന്നു സത്യനാരായണ റാവു. കെ എസ്‌ രവികുമാറിന്റെ റാണയില്‍ ഉടന്‍ അഭിനയിക്കാന്‍ അദ്ദേഹത്തിന്‌ സാധ്യമാകില്ല. ശ്വാസകോശ രോഗങ്ങള്‍ക്ക്‌ പുറമെ കരള്‍, വൃക്ക അസുഖങ്ങളും രജനികാന്തിനെ അലട്ടുന്നുണ്ട്‌. അതുകൊണ്ടുതന്നെ കുറഞ്ഞത്‌ ആറുമാസമെങ്കിലും വിശ്രമം വേണ്ടിവരും- സത്യനാരായണ റാവു പറഞ്ഞു.
അതേസമയം രജനിയ്‌ക്ക്‌ വിദേശ ചികില്‍സയുടെ ആവശ്യമില്ലെന്ന്‌ മരുമകനും നടനുമായ ധനുഷ്‌ പറഞ്ഞു. ധനുഷ്‌ ഉള്‍പ്പടെ രജനിയുടെ എല്ലാ ബന്ധുക്കളും ആശുപത്രിയിലുണ്ട്‌. നെഞ്ചില്‍ കെട്ടിക്കിടന്ന കഫം നീക്കുന്നതിനായി കഴിഞ്ഞദിവസം ചെറിയ ഒരു ശസ്‌ത്രക്രിയ നടത്തിയിരുന്നു. ഇപ്പോള്‍ വിശ്രമത്തിലാണെങ്കിലും സാധാരണഗതിയിലുള്ള ആഹാരങ്ങള്‍ കഴിക്കാന്‍ അദ്ദേഹത്തിന്‌ സാധിക്കുന്നുണ്ട്‌. പത്രം വായിക്കാനും ടി വി കാണാനും കഴിയുന്നുണ്ട്‌. ഗുജറാത്ത്‌ മുഖ്യമന്ത്രി നരേന്ദ്രമോഡി, ആന്ധ്രാ മുന്‍ മുഖ്യമന്ത്രി ചന്ദ്രബാബു നായിഡു എന്നിവര്‍ കഴിഞ്ഞദിവസം രജനിയെ സന്ദര്‍ശിച്ചിരുന്നു
No comments:
Post a Comment