ചെന്നൈ: ഏറെ കോളിളക്കങ്ങള്‍ക്ക്‌ ശേഷം ഒടുവില്‍ പ്രഭുദേവയും നയന്‍താരയും വിവാഹിതരാകുന്നു. ജൂലായില്‍ ചെന്നൈയില്‍ വെച്ചായിരിക്കും വിവാഹം നടക്കുക. പ്രഭുദേവയുടെ ആദ്യഭാര്യയായ റംലത്തുമായുള്ള വിവാഹമോചനക്കേസില്‍ അന്തിമവിധി ജൂണില്‍ ഉണ്ടാകുമെന്ന പ്രതീക്ഷയിലാണ്‌ ജൂലായില്‍ വിവാഹം നടത്താന്‍ തീരുമാനിച്ചിട്ടുള്ളത്‌.അതുകൊണ്ടുതന്നെ കോടതിവിധി വന്നശേഷമായിരിക്കും വിവാഹത്തീയതിയും മുഹൂര്‍ത്തവും നിശ്‌ചയിക്കുക.
പ്രഭുദേവയ്‌ക്ക്‌ ഹൈദരാബാദില്‍വെച്ച്‌ ലളിതമായി വിവാഹം നടത്താനാണ്‌ താല്‍പര്യം. എന്നാല്‍ വിവാഹം ആര്‍ഭാടപൂര്‍വ്വം ചെന്നൈയില്‍ നടത്തണമെന്നാണ്‌ നയന്‍സിന്റെ പക്ഷം. പ്രഭുദേവയുമായുള്ള പ്രണയത്തെ തുടര്‍ന്ന്‌ തന്നെ അധിക്ഷേപിച്ചവരുടെ കണ്‍മുന്നില്‍ ആര്‍ഭാടമായി വിവാഹിതയാകാനാണ്‌ നയന്‍സ്‌ വാശി പിടിക്കുന്നത്‌. ഒടുവില്‍ നയന്‍സിന്‌ അഭിപ്രായത്തിന്‌ പ്രഭുദേവ വഴങ്ങിയെന്നും തമിഴ്‌ മാധ്യമങ്ങള്‍ റിപ്പോര്‍ട്ട്‌ ചെയ്യുന്നു.
പ്രഭുദേവ സംവിധായകനായ വില്ല്‌ എന്ന ചിത്രത്തിന്റെ സെറ്റില്‍വെച്ചാണ്‌ ഇരുവരും പ്രണയത്തിലാകുന്നത്‌. മകന്‍ മരിച്ച വിഷമത്തില്‍ കഴിയുകയായിരുന്ന പ്രഭുദേവയെ ആശ്വസിപ്പിക്കാനെത്തിയ നയന്‍സ്‌ ഒടുവില്‍ പ്രഭുദേവയുടെ മനംകവരുകയായിരുന്നു. പിന്നീട്‌ ഇവരുടെ പ്രണയത്തെ ചുറ്റിപ്പറ്റി വിവാദകോലാഹലങ്ങളാണ്‌ അരങ്ങേറിയത്‌. നയന്‍സിനും പ്രഭുവിനും എതിരെ റംലത്തും തമിഴ്‌ സ്‌ത്രീസംഘടനകളും നടികര്‍സംഘവും അണിനിരന്നതോടെ മാധ്യമങ്ങള്‍ക്ക്‌ ഉല്‍സവകാലമായി മാറി. പിന്നീട്‌ കേസ്‌ കോടതിയിലെത്തിയതും കോടികള്‍ കൊടുത്ത്‌ റംലത്തിന്‌ ഒതുക്കിയതുമെല്ലാം വന്‍വാര്‍ത്തയായിരുന്നു.
ഇതിനിടയില്‍ പ്രഭുദേവ-ഹന്‍സിക, നയന്‍താര-ചിമ്പു ബന്ധങ്ങള്‍ വിവാദത്തിന്‌ കൂടുതല്‍ എരിവ്‌ പകര്‍ന്നു. പിന്നീട്‌ പ്രഭുദേവയെ സഹോദരനെപ്പോലെയാണ്‌ കാണുന്നതെന്ന്‌ പറഞ്ഞ്‌ ഹന്‍സിക രംഗത്തെത്തിയതും ചിമ്പുവിനെതിരെ ഭീഷണിയുമായി പ്രഭുദേവ പ്രസ്‌താവന ഇറക്കിയതുമെല്ലാം മാധ്യമങ്ങള്‍ ആഘോഷിച്ചു. ഏതായാലും വിവാദങ്ങള്‍ക്കെല്ലാം അവധികൊടുത്താണ്‌ ഇരുവരും ജൂലായില്‍ വിവാഹിതരാകാന്‍ തീരുമാനിച്ചിരിക്കുന്നത്‌.
No comments:
Post a Comment