ചെന്നൈ ശ്രീരാമചന്ദ്ര മെഡിക്കല്‍ കോളേജില്‍ ചികിത്സയില്‍ കഴിയുന്ന തെന്നിന്ത്യന്‍ സൂപ്പര്‍താരം രജനീകാന്തിനെ കൂടുതല്‍ വിദഗ്ദ്ധ ചികിത്സയ്ക്കായി സിംഗപ്പൂരിലേക്ക്‌ കൊണ്ടുപോകുന്നു .വെള്ളിയാഴ്ച്ച രാത്രിയോടെ പ്രത്യേക വിമാനത്തില്‍ രജനിയെ സിംഗപ്പൂരിലേക്ക്‌ കൊണ്ടുപോകാനാണ്‌ തീരുമാനം എന്നാണ് റിപ്പോര്‍ട്ടുകള്‍ ഉള്ളത് .വിദഗ്ദ്ധ ചികിത്സയ്ക്കായി അമേരിക്കയിലേക്ക് കൊണ്ടുപോകുമെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു . ആരോഗ്യനില ആശങ്കയിലായിരുന്നതിനാല്‍ അത് നീട്ടിവെക്കുകയായിരുന്നു. ആരോഗ്യനില ഇപ്പോള്‍ ഭേദമായ സാഹചര്യത്തിലാണ് രജനീകാന്ത് യാത്രയ്‌ക്കൊരുങ്ങുന്നത്..തന്‍റെ പുതിയ ചിത്രമായ റാണയുടെ ഷൂട്ടിംഗ്‌ തുടങ്ങിയ ഏപ്രില്‍ 29നാണ്‌ രജനിയെ ആദ്യമായി ആശുപത്രിയില്‍ പ്രവേശിപ്പിച്ചത്‌.ഉടനെ വീട്ടില്‍ തിരിച്ചെത്തിയ രജനിയെ മേയ്‌ നാലാം തീയതി വീണ്ടും ഇസബെല്ലില്‍ പ്രവേശിപ്പിക്കേണ്ടിവന്നു. ഒരാഴ്‌ചക്കാലം ആശുപത്രിയിലായിരുന്ന രജനി വീട്ടിലേക്ക്‌ മടങ്ങിയെങ്കിലും പതിമൂന്നാം തീയതി വീണ്ടും രോഗം അധികരിച്ചതിനെ തുടര്‍ന്ന് രാമചന്ദ്ര മെഡിക്കല്‍ കോളജില്‍ രജനിയെ പ്രവേശിപ്പിക്കുകയായിരുന്നു.ഡയാലിസിസ് അടക്കമുള്ള ചികിത്സകള്‍ നല്‍കിയതിനെ തുടര്‍ന്നാണ് രജനികാന്തിന്റെ നില അല്‍പ്പം മെച്ചപ്പെട്ടത്.
No comments:
Post a Comment