നടന്‍ ചിമ്പുവിനെതിരെ ഭാവനയുടെ രോഷ പ്രകടനം. ചിമ്പു 'യൂസ് ലെസ്' ആണെന്നാണ്‌ ഭാവനയുടെ വിലയിരുത്തല്‍. ചിമ്പുവിന്റെ ജോഡിയാവാന്‍ താന്‍ ഒരിക്കലും തയാറാവില്ലെന്നും ഒരിക്കല്‍ മാത്രമാണ് നേരില്‍ കണ്ടിട്ടുള്ളതെന്നും ഒരു പ്രസ്‌ മീറ്റില്‍ ഭാവന പറഞ്ഞു. ചിമ്പുവിനെതിരെ ഭാവനയെ ഇത്തരം പരുഷമായ വാക്കുകള്‍ പ്രയോഗിക്കാന്‍ പ്രേരിപ്പിച്ച കാരണം മറ്റൊന്നുമല്ല. നയന്‍താരയുമോത്തുള്ള സ്വകാര്യ ചുംബന ചിത്രം നെറ്റില്‍ കയറ്റിവിട്ടു നടത്തിയ പ്രതികാര നടപടിയാണ് ഭാവനയുടെ മനസ്സില്‍ ചിമ്പുവിനോട് ഇപ്പോഴും വെറുപ്പ്‌ തോന്നിപ്പിക്കുന്നത്. ഈ സംഭവം ഞെട്ടിക്കുന്നതായിരുന്നു എന്നാണ് ഭാവനയുടെ അഭിപ്രായം.
കെട്ടവന്‍ എന്ന ചിത്രത്തില്‍ ചിമ്പുവിന്റെ നായികയാവാന്‍ തന്നെ ക്ഷണിച്ചതാണെന്നും എന്നാല്‍ താന്‍ അത് നിരസിക്കുകയായിരുന്നുവെന്നും ഭാവന പറയുന്നു. ഒരിക്കല്‍ മാത്രമാണ് ചിമ്പുവിനെ കണ്ടിട്ടുള്ളത്. ഇനിയൊട്ടു കാണാനും ആഗ്രഹിക്കുന്നില്ല. മറ്റുള്ളവരുടെ വിഷമങ്ങള്‍ക്ക് ഒരു വിലയും കല്‍പ്പിക്കാത്ത ആളാണ്‌ ചിമ്പുവെന്നും ഭാവന പറയുന്നു.നയന്‍താര- ചിമ്പു സംഭവം ഉയര്‍ന്നുവന്ന സമയത്തും ഭാവന അതിനെ ശക്തമായി അപലപിച്ചിരുന്നു. ഇതിനെ തുടര്‍ന്ന് മലയാളി നായികമാര്‍ ചിമ്പുവിനോപ്പം അഭിനയിക്കാന്‍ വിസമ്മതിച്ചിരുന്നു. എന്തായാലും ചിമ്പുവിനെതിരെ ഇങ്ങനെ പ്രതികരിക്കാന്‍ ഭാവന കാണിച്ച തന്റേടം മറ്റു നായികമാര്‍ക്ക് ഇഷ്ടമായിട്ടുണ്ട് എന്നാണ് കേട്ടത്.
ആര്യ നായകനാവുന്ന പുതിയ ചിത്രത്തിലെ ഗ്ലാമര്‍ വേഷം താന്‍ ഒഴിവാക്കി എന്നും ഭാവന പറഞ്ഞു. നല്ല കഥാപാത്രങ്ങളിലൂടെ നല്ല പേര് നേടിയെടുക്കുക എന്നതാണ് ഇപ്പോള്‍ ഭാവനയുടെ ലക്‌ഷ്യം.
No comments:
Post a Comment