നമുക്ക് നിത്യവും ആവശ്യമായ വിറ്റാമിനുകളില്‍ മിക്കതും കക്കിരിക്കായിലുണ്ട്. വിറ്റാമിന്‍ B, B2, B3, B5, B6, ഫോളിക് ആസിഡ്, വിറ്റാമിന്‍ സി, കാല്‍സ്യം, അയേണ്‍, മഗ്നീഷ്യം, ഫോസ്ഫറസ്, പൊട്ടാസ്യം, സിങ്ക്... ക്ഷീണം തോന്നുമ്പോള്‍ കക്കിരിക്ക സ്വല്‍പ്പം ഉപ്പ് വിതറി കഴിക്കുക. ആശ്വാസം തോന്നും.നല്ല തലവേദനയുണ്ടെങ്കില്‍ ഉറങ്ങും മുന്പ് കുറച്ച് കക്കിരിക്കാ കഷണങ്ങള്‍ കഴിക്കുക. ഉണരുമ്പോള്‍ സമാധാനമുണ്ടാവും. ശരീരത്തില്‍ കുറവുവരുന്ന പോഷകാംശങ്ങള്‍ നികത്താന്‍ കക്കിരിക്കയ്ക്ക് കഴിവുണ്ട്.
വൈകുന്നേരത്തെ ചായയ്‌ക്കൊപ്പം വറുത്തതും പൊരിച്ചതും കഴിക്കുന്നത് ഒഴിവാക്കണമെന്നുണ്ടോ? പകരം കക്കിരിക്ക കുരുമുളകും ഉപ്പും വിതറി കഴിക്കുക. വയറും നിറയും കൊഴുപ്പ് കൂടുകയുമില്ല.
ഭക്ഷണമെന്നതിലപ്പുറം ഗുണങ്ങളുണ്ട് കക്കിരിക്കയ്ക്ക്. വായനാറ്റം തടയാന്‍ ഉത്തമം. ഭക്ഷണശേഷം ഒരു കഷണം കക്കിരിക്ക വായയ്ക്കുള്ളില്‍ മുകളിലായി 30 സെക്കന്‍ഡ് സൂക്ഷിക്കുക. ഇതിലടങ്ങിയ രാസവസ്തുക്കള്‍ ബാക്ടീരിയയെ നശിപ്പിക്കുന്നു.
നല്ലൊരു ഫേഷ്യല്‍ ഒരുക്കാനും കക്കിരിക്ക ധാരാളം. തിളയ്ക്കുന്ന വെള്ളത്തിന് മീതെ നെടുകെ മുറിച്ച വലിയ കക്കിരിക്കാകഷണം വെക്കുക. ഇതില്‍നിന്ന് വരുന്ന ആവി മുഖത്ത് തട്ടണം. ചര്‍മം ഫ്രഷ് ആവും.
ഹൃദയത്തെ രക്ഷിക്കാന്‍ മത്സ്യം കഴിക്കാം
മത്സ്യവിഭവങ്ങള്‍ കഴിക്കുന്നത് ഹൃദയാരോഗ്യത്തിന് നല്ലതാണെന്ന് ഏറെക്കാലം മുമ്പുതന്നെ പഠനങ്ങളിലൂടെ തെളിയിക്കപ്പെട്ടതാണ്. ചിലയിനം മത്സ്യങ്ങളില്‍ അടങ്ങിയിട്ടുള്ള ഒമേഗ-3 ഫാറ്റി ആസിഡുകളാണ് ഹൃദയത്തിന് ഗുണകരമായി പ്രവര്‍ത്തിക്കുന്നത്. എന്നാല്‍, എല്ലാത്തരം മത്സ്യവിഭവങ്ങളും കഴിച്ചാല്‍ ഈ ഗുണഫലം ലഭിക്കുമെന്ന് കരുതേണ്ടെന്ന് അമേരിക്കന്‍ ഹാര്‍ട്ട് അസോസിയേഷന്‍ വ്യക്തമാക്കുന്നു. മാത്രമല്ല, ചില വിഭവങ്ങള്‍ ഗുണത്തേക്കാളേറെ ഹൃദയത്തിന് ദോഷമാണ് സമ്മാനിക്കുകയെന്നും സംഘടന മുന്നറിയിപ്പ് നല്‍കുന്നുണ്ട്. സംഘടനയ്ക്ക് വേണ്ടി ഹവായ് സര്‍വകലാശാലയിലെ ഗവേഷകവിദ്യാര്‍ഥി ലിക്‌സിന്‍ മെങ് നടത്തിയ പഠനത്തിലാണ് ഇക്കാര്യം തെളിഞ്ഞത്. കഴിഞ്ഞയാഴ്ച ഒര്‍ലാന്‍ഡോയില്‍ നടന്ന സംഘടനാ വാര്‍ഷിക യോഗത്തില്‍ ഈ പഠനറിപ്പോര്‍ട്ട് ചര്‍ച്ചയ്‌ക്കെടുത്തിരുന്നു. എണ്ണയില്‍ പൊരിച്ചെടുക്കുന്ന മത്സ്യം, ഉപ്പിട്ട് ഉണക്കിയെടുത്ത മത്സ്യം എന്നിവയിലൊന്നും ഒമേഗ-3 ഫാറ്റി ആസിഡിന്റെ അംശമില്ലെന്ന് പഠനത്തില്‍ വ്യക്തമായി. വേവിച്ചതോ മൈക്രോവേവ് ഓവനില്‍വെച്ച് ബേക്ക് ചെയ്തതോ ആയ മത്സ്യവിഭവങ്ങളില്‍ മാത്രമേ ഒമേഗ-3 കണ്ടെത്തിയിട്ടുള്ളൂ. ഹൃദയത്തിന് നന്നെന്ന് കരുതി എത്രയെങ്കിലൂം വറുത്ത മത്സ്യങ്ങള്‍ കഴിച്ചിട്ട് യാതൊരു പ്രയോജനവുമുണ്ടാകില്ലെന്നര്‍ഥം.
'പൊരിച്ച മീനും പാകംചെയ്ത മീനും തമ്മിലുള്ള താരതമ്യമല്ല പഠനത്തിന്റെ ലക്ഷ്യം. പക്ഷേ, രണ്ടിന്റെയും ഗുണവശങ്ങള്‍ പരിശോധിക്കുമ്പോള്‍ പാകംചെയ്ത മീനാണ് ഹൃദയത്തിന് ഏറെ നല്ലതെന്ന് തെളിയുന്നു. പൊരിച്ച മീനാകട്ടെ ദോഷകരവും' -ഗവേഷണത്തിന് നേതൃത്വം നല്‍കിയ ലിക്‌സിന്‍ മെങ് പറയുന്നു. ഉണക്കമത്സ്യം കഴിക്കുന്നതും ഹൃദയത്തിന് ദോഷം സൃഷ്ടിക്കുമെന്ന് ലിക്‌സിന്‍ മെങ് കൂട്ടിച്ചേര്‍ക്കുന്നു.
ഒമേഗ-3 ഫാറ്റി ആസിഡ് ഉള്‍പ്പെടുന്ന മീന്‍ കഴിക്കുന്നയാളുകള്‍ക്ക് ഹൃദ്രോഗസാധ്യത കുറയുന്നുണ്ടെന്ന് പഠനത്തില്‍ ഒരിക്കല്‍കൂടി തെളിയിക്കപ്പെട്ടിട്ടുണ്ട്. 82,243 പുരുഷന്‍മാരിലും 1,03,884 സ്ത്രീകളിലുമായി അതിവിപുലമായ പഠനമാണ് നടത്തിയത്. ഇവരില്‍ മീന്‍ കഴിക്കാത്തവരില്‍ മറ്റുള്ളവരെ അപേക്ഷിച്ച് 23 ശതമാനം ഹൃദ്രോഗസാധ്യത അധികമാണെന്ന് പഠനറിപ്പോര്‍ട്ട് വ്യക്തമാക്കുന്നുണ്ട്.
പി.എസ്.
2010ലെ ഏഷ്യയിലെ ഏറ്റവും മികച്ച രണ്ടാമത്തെ വിനോദസഞ്ചാരകേന്ദ്രമായി മൂന്നാര്‍ തെരഞ്ഞെടുക്കപ്പെട്ടിരുന്നു. മഴക്കാലമാണെങ്കിലും സഞ്ചാരികള്‍ക്ക്‌ ഒരു കുറവുമില്ല. കൂടുതല്‍പേരും അന്യസംസ്ഥാനങ്ങളിലും മറ്റ്‌ രാജ്യങ്ങളിലും നിന്നുമെത്തിയവര്‍. കുറെനേരം കാറിലായിരുന്നു യാത്ര. എന്നാല്‍ കാര്‍ ഒരു ഭാഗത്ത്‌ ഒതുക്കിയശേഷം അല്‍പ്പം നടന്നു. എങ്ങോട്ട്‌ നോക്കിയാലും മനംമയക്കുന്ന ദൃശ്യഭംഗി. ക്യാമറ നമ്മള്‍ ക്‌ളിക്ക്‌ ചെയ്യേണ്ട ആവശ്യമില്ല, പകരം അത് തനിയെ പ്രവര്‍ത്തിക്കുമെന്ന്‌ തോന്നിപ്പോകുന്നു. നേരം ഇരുട്ടിയതോടെ ഞങ്ങള്‍ വീണ്ടും ടീംകൗണ്ടിയിലെത്തി.
മൂന്നാറിന്റെ ദൃശ്യഭംഗിക്കൊപ്പം ചന്നംപിന്നം പെയ്യുന്ന മഴ കൂടി ആയപ്പോളാണ്‌ മൂന്നാറിലേക്കുള്ള യാത്രയുടെ ഹരം ശരിക്കും മനസിലായത്‌. ഒരു പകല്‍ ശരിക്കും ദൃശ്യവിസ്‌മയങ്ങളുടേതായിരുന്നു. മടക്കയാത്രയില്‍ മൂന്നാര്‍ ടൗണില്‍ റോഡിന്റെ ഇരുവശത്തും സ്‌ത്രീകള്‍ പഴങ്ങളും പച്ചക്കറികളും വില്‍ക്കുന്നത്‌ കണ്ട്‌ വണ്ടിനിര്‍ത്തി. വളരെ മികച്ച നിലവാരമുള്ള പച്ചക്കറികളാണ്‌ മൂന്നാറില്‍ വില്‍ക്കുന്നതെന്ന്‌ നേരത്തെ കേട്ടിട്ടുണ്ട്‌. ഇതില്‍ ഏറ്റവും പ്രധാനം കാരറ്റും തക്കാളിയും പാഷന്‍ഫ്രൂട്ടുമാണ്‌. ഇവ മൂന്നും വിലപേശിയാണെങ്കിലും കുറെ വാങ്ങി. ഏതായാലും നമ്മുടെ നാട്ടില്‍ കിട്ടുന്നതിനേക്കാള്‍ വളരെ ലാഭകരമായി മൂന്നാറില്‍ നിന്ന്‌ കാരറ്റും തക്കാളിയും വാങ്ങാം. അങ്ങനെ ഞങ്ങള്‍ മൂന്നാറിനോട്‌ തല്‍ക്കാലം വിടപറഞ്ഞു മുന്നോട്ട്‌ നീങ്ങി, വീണ്ടും കാണാമെന്ന വാക്കുമായി.